ENQA-evaluering

Kvart femte år skal NOKUT gjennom ei ekstern evaluering for å vise korleis arbeidet vårt med ekstern kvalitetssikring samsvarer med dei europeiske kriteria i ESG 2015.

ESG er ei forkorting for European Standards and Guidelines for Quality Assurance in the European Higher Education Area. Kriteria vart første gong utarbeidd i 2005, og deretter revidert i 2015 – begge gongene innført av de europiske ministrane med ansvar for høgare utdanning.

At kvalitetssikringsorgan skal gjennom ei ekstern evaluering kvart femte år er nedfelt som standard 3.7 i ESG. Evalueringa skal sikre at organet etterlever ESG, men også stimulere til refleksjon og vidareutvikling. I tillegg legg evalueringa grunnlag for at NOKUT jamleg kan søkje om å fornye sitt medlemskap i The European Association for Quality Assurance in Higher Education (ENQA) og registreringa i The European Quality Assurance Register for Higher Education (EQAR).

Fornyet medlemsskap for fem nye år

Sommaren 2023 fekk NOKUT fornya medlemskapen i ENQA, etter ein omfattande evalueringsprosess. Konklusjonen frå komitéen var at NOKUT oppfyller alle kriterium. I tillegg får vi rosande omtale på fleire område og nokre forslag til forbetringar.

NOKUT har også fått fornya medlemskapen i EQAR for ein ny femårsperiode. EQAR (The European Quality Assurance Register for Higher Education) er det offisielle registeret over kvalitetssikringsorgan som oppfyller ESG-krava.

    • ENQAs evalueringskomité framhevar at NOKUT har vist ein betydeleg framgang på dei ESG-standardane som blei vurderte til å vere delvis oppfylt i den førre evalueringa for fem år sidan. Det gjeld mellom anna at NOKUT no kartlegg korleis tilrådingane etter gjennomført periodisk tilsyn med det systematiske kvalitetsarbeidet til institusjonane blir følgt opp, og at vi utarbeider tematiske kvalitetsoppsummeringar frå evalueringane og tilsynsarbeidet våre.
    • Komitéen imponert over at NOKUT har tatt trinnet utanfor dei vanlege kvalitetssikringsaktivitetane og utvikla nye og innovative aktivitetar, som utdanningsevalueringar.
    • NOKUT får ros for open dialog med interessentar og for å jobbe med metodeutvikling. Evalueringspanelet meiner at dette er noko av det som vil bidra til kvalitetsutvikling av sektoren og ikkje berre kontroll.

  • Det er på tre område komitéen gir tilrådingar som må følgjast opp:

    ESG 2.2 Designing methodologies fit for purpose

    Den første tilrådinga betyr at NOKUT saman med institusjonane må utvikle ein betre og meir effektiv metode for å samle inn og tilgjengeliggjøre dokumentasjon og analysar.

    Dette dreier seg mellom anna om dokument vi får inn i tilsyns- og akkrediteringsprosesser. Her meiner komitéen at vi, saman med institusjonane, i enda større grad skal ta i bruk digitale verktøy som bidrar til å lette arbeidet hos institusjonane og som er meir formålstenleg enn korleis det er i dag, der vi ofte får inn veldig store mengder dokumentasjon.

    ESG 2.3 Implementing processes

    Den andre tilrådinga er at NOKUT må kommunisere tydelegare tidsplan og arbeidsmengda til institusjonane i utdanningsevalueringane vi gjennomfører, og dessutan at vi aktivt må kommunisere eventuelle endringar i den planlagde tidsplanen.

    ESG 2.7 Complaints and appeals

    Den siste tilrådinga til komitéen til NOKUT er å gjere klageprosessar meir kjent og enklare å finne i dokumentasjonen som blir gitt til institusjonane.

  • Denne evalueringa var eit "targeted review". Denne forma for evaluering blir tilbydt kvalitetssikringsorgan som tidlegare har demonstrert at dei etterlever ESG. I eit "targeted review" skriv organet ein kortare sjølvevalueringsrapport (20–30 sider). Rapporten skal bygge på den førre evalueringa (2018), slik at det ikkje blir unødige gjentakingar. Det skal også leggjast meir vekt på kvalitetsutvikling enn kontroll.

    I sjølvevalueringsrapporten omtalar og dokumenterer NOKUT dei ESG-kriteria som fekk "partial compliance" ved førre evaluering frå høvesvis EQAR og ENQA. I tillegg har vi med ein sjølvvald standard frå del 2 eller 3 i ESG. NOKUT har vald standard 2.2 "Designing methodologies fit for purpose" som sin sjølvvalde standard for å vise kvalitetsutvikling.

    Evalueringskomiteen, som var oppnemnd av ENQA, hadde følgjande samansetjing:

    • Karin Järplid (leder, Sverige)
    • Simona Lache (medlem og sekretær, Romania)
    • Pegi Pavletic (student, Kroatia)


    Dokument

Tidlegare evalueringar

NOKUT har blitt evaluert tre gonger tidlegare. Både evalueringa i 2018 og 2013 blei koordinert av ENQA, medan den første evalueringa i 2008 blei leda av NIFU STEP, på oppdrag frå Kunnskapsdepartementet.

Under kan du lese meir om ENQA-evalueringa i 2018.

  • Våren 2018 blei NOKUT evaluert av ENQA, den europeiske samanslutninga av kvalitetssikringsorgan for høgare utdanning.

    I samband med evalueringa utarbeidde NOKUT ein sjølvevalueringsrapport (pdf) og fekk besøk av ein internasjonal evalueringskomité 5.–8. februar 2018.

    Under dette besøket intervjua komiteen styret, leiinga og tilsette i NOKUT, samt representantar frå Kunnskapsdepartementet, høgare utdanningsinstitusjonar, Norsk Studentorganisasjon, andre interessentar og sakkunnige.

    Komiteen hadde følgjande samansetjing:

    • Tue Vinther-Jørgensen (leder, Danmark)
    • Đurđica Dragojević (medlem og sekretær, Kroatia)
    • Terhi Nokkala (medlem, Finland)
    • Hermann Blum (studentmedlem, Tyskland)


    Evalueringa konkluderte eintydig med at NOKUT beheld si europeiske godkjenning. Dertil gjer evalueringa svært rosande omtale av Noreg og den norske kunnskaps- og tillitsbaserte modellen for sikring av kvalitet i høgare utdanning.

    Komitéen var særleg positive til

    • den norske modellen som er prega av høg grad av tillit og eit kunnskapsbasert tilsyn
    • NOKUT sitt arbeid for å stimulere til godt kvalitetsarbeid gjennom å skaffe og samanstille kunnskap om kvalitetstilstanden ved universitet og høgskular
    • at NOKUT har teke ei ambassadørrolle for kvalitet i høgare utdanning, og at NOKUT markerer det i samfunnet
    • ein tilsynsmodell som ikkje belastar institusjonane unødig
    • NOKUT sitt interne kvalitetsstyringssystem
    • arbeidet med å gjere rapportar lettare å lese (klarspråk)

    NOKUT fekk også tilbakemelding på somme område som vi bør forbetre. NOKUT blei tilrått å produsere fleire tematiske analysar av resultata frå tilsynet med kvalitetsarbeidet på overordna nivå. I tillegg tilrådde dei at NOKUT etablerer oppfølgjande aktivitetar ei tid etter gjennomførde akkrediteringar og tilsyn.

    Dokument

ENQAs database over evalueringer av NOKUT

På nettsidene til ENQA finn du oversikt over alle evalueringar som NOKUT har vore igjennom:

Les meir om NOKUT på ENQAs nettsider