Akkreditering av høgare yrkesfagleg utdanning
NOKUT har ansvar for å akkreditere høgare yrkesfagleg utdanning, altså fagskuletilbod, i Noreg. Berre skular som har akkrediterte fagskuletilbod kan kalle seg fagskular.
NOKUT akkrediterer det følgjande:
- fagskuletilbod
- fagområde
Neste søknadsfrist
Akkreditering av fagskuleutdanningar:
- 20. januar: Denne fristen gjeld for nye søkarar. Med "nye søkarar" meiner vi alle som vil bli fagskule, altså alle søkarar som ikkje har akkrediterte fagskuleutdanningar frå før.
- 10. februar: Denne fristen gjeld for alle søkarar som har akkrediterte fagskuleutdanningar frå før.
- 15. september: Denne fristen gjeld for alle søkarar, både dei som har akkrediterte fagskuleutdanningar frå før og søkarar som ikkje har akkrediterte fagskuleutdanningar frå før.
Søknader de sender inn etter den fristen som gjeld for dykk, vil vi behandle etter den neste søknadsfristen.
Fagområdeakkreditering:
- 1. november
Dokument som NOKUT tek imot er som hovudregel offentlege
Vi gjer merksam på at alle dokument som NOKUT tek imot som hovudregel er offentlege, jf. offentleglova § 3.
Det er viktig at dei som sender inn dokument til NOKUT sørgjer for at dei ikkje inneheld opplysningar som er underlagde teieplikt eller sensitive personopplysningar. Dersom dokumenta likevel inneheld opplysningar som de meiner at vi må gjera unntak for, må de informere oss om dette når de sender inn dokumenta. De må óg vise til eit rettsleg grunnlag for kvifor de meiner at vi må gjere unntak. NOKUT vil gjere ei vurdering av grunngivinga dykkar i kvart enkelt tilfelle.
Rettleiing
For å finne rettleiinga som er retta mot dykk, vel type akkreditering og følg rettleiinga: