Informasjon om nedetid i søkjarportalen for godkjenning av utanlandsk utdanning
Frå 1. desember blir søkjarportalen stengd for nye søknadar. Dette skjer i samband med at NOKUTs avdeling for utanlandsk utdanning blir flytta til nytt direktorat.
Stortinget vedtok i sommar at NOKUTs godkjenningsordningar for utanlandsk utdanning skal flyttast, og frå 1. januar 2023 flyttar desse tenestene til Direktoratet for høgare utdanning og kompetanse (HK-dir).
– For å sikre overføringa av informasjonen i datasystemet vil det være behov for å redusere tilgangen til søkjarportalen i ein periode, fortel seksjonssjef Einar Meier.
– Vi har forståing for at dette kan opplevast som problematisk for nokon, men for å sikre at innhaldet i søkjarportalen blir overført på ein forsvarleg måte, må vi dessverre ha noko nedetid, avsluttar han.
Mogleg med endringar i søknadar fram til 15. desember
Frå 1. desember 2022 til 1. februar 2023 vil søkjarportalen vera stengd for nye søknader.
I perioden fram til 15. desember vil det vera mogleg å fullføra påbyrja søknader, lasta opp ettersendingar, sjå vedtaksbrev og levera klager fram til 15. desember. Frå 15. desember er søkjarportalen heilt stengd.
I denne perioden må dei som har inne ein søknad om godkjenning, rekna med noko lengre saksbehandlingstid.
Information about downtime in the application portal for recognition of foreign education