Kven må søke NOKUT om akkreditering?

Universitet, høgskular og fagskular har ulike rettar til å akkreditere studietilbod. Her er ei oversikt over når institusjonane kan akkreditere sjølve, og når dei må søke NOKUT.

Universitet

Universiteta har rett til å akkreditere alle studietilboda sine sjølve, men NOKUT tek i mot søknader innafor særskilte utdanningstypar som til dømes rettsvitskap og psykologi.

Vitskaplege høgskular og akkrediterte høgskular

Vitskaplege høgskular og akkrediterte høgskular kan akkreditere bachelorstudium innanfor alle fagområde.

Dersom institusjonen har rett til å tildele doktorgrad innanfor eit fagområde, kan han òg akkreditere masterstudium innanfor dette fagområdet.

For fagområde utanom doktorgradsområda, må vitskaplege høgskular og akkrediterte høgskular søke NOKUT om akkreditering av nye master- og ph.d.-studium.

Fullmaktene følger av universitets- og høyskoleloven.

Høgskular utan institusjonsakkreditering

Høgskular utan institusjonsakkreditering må søke NOKUT om akkreditering for kvart studietilbod dei ønsker å opprette.

Fagskular

Dei fleste fagskulane må søke NOKUT om akkreditering av studietilboda sine.

Nokre fagskular har fagområdeakkreditering. Det betyr at dei kan akkreditere studietilbod sjølve innanfor det fagområdet som er akkreditert.

Krav ved akkreditering på eiga fullmakt

Når universitet, høgskular og fagskular akkrediterer studietilbod på eiga fullmakt, må tilboda oppfylle krava i gjeldande lover og forskrifter frå Kunnskapsdepartementet og NOKUT.