– Vi bidrar til å sikre, utvikle og informere om kvalitet i utdanningen

Søk

Ovddidanstrategiija 2015–2020

Dán strategiijadokumeanttas válddahallat man guvlui mii ovddidit NOKUT 2020 rádjái. Vuolggasadjin lea ahte NOKUT sáhtášii váldit ollislaččat ovddasvástádusa riikkaviidosaš gealboguovddážin. Mii háliidit bargat eanet dokumenteremiin, diehtojuohkimiin ja rávvet fáktadieđuid vuođul, mat mis leat norgga alit oahpu ja fágaskuvlaoahpu kvaliteahta birra ja dilálašvuođaid birra mat laktásit olgoriikka gelbbolašvuođa dohkkeheapmái.

Mii áigut doaibmat oinnolaš servodataktevran, seammásgo mii áigut nannet viidáseappot ovttasbarggu ja gulahallama studeanttaiguin, oahppoásahusaiguin ja servodat- ja bargomáilmmiin.

Vuosttaš oassi strategiijadokumeanttas čilge NOKUT servodatdoaimma ja ovdanbuktá golbma bajit dási ulbmila, maid mielde NOKUT galgá stivrejuvvot. Nuppi oasis leat vihtta ovddidanstrategiija, maiguin ovddidit NOKUT áŋgireabbon geavahišgoahtit ođđa gaskaomiid ulbmiliiddis juksamii.

Strategiija vuođul NOKUT sávvá, ahte dan atnet:

  • oahppokvaliteahta čielga ja oinnolaš ovddideaddjin
  • mávssolaš eavttuid meroštallin, mas lea nana gelbbolašvuohta norgga ja olgoriikka alit oahpu ja norgga fágaskuvlaoahpu hárrái
  • gelbbolaš, luohtehahtti ja beaktilis hálddašanorgánan

NOKUT ovddidanstrategiija 2015–2020 (pdf)