Startsiden > Om NOKUT > Internasjonalt engasjement

NOKUTs internasjonale engasjement

NOKUT legg vekt på å forankre arbeidet sitt i internasjonale standardar for kvalitetssikring og godkjenning av utdanning. NOKUT har konsentrert det internasjonale engasjementet sitt om sentrale nordiske og europeiske nettverk og organisasjonar, med tillegg av nokre få multilaterale og bilaterale samarbeidsprosjekt med andre nasjonale kvalitetssikringsorgan.

Kvalitetssikring – sentrale nettverk og organisasjonar

Gjennom aktiv deltaking med foredrag og presentasjonar i internasjonale samarbeidsprosjekt og nettverk spreier NOKUT informasjon om norsk høgre utdanning og det norske systemet for kvalitetssikring og kvalitetsutvikling av høgre utdanning.

NOKUT mottar samstundes kunnskap og impulsar frå andre land og held seg oppdatert om den internasjonale utviklinga gjennom diskusjonar om teori, metode og praksis innanfor kvalitetssikringsfeltet. Sentrale nettverk, organisasjonar og arenaer er:

European Association for Quality Assurance in Higher Education (ENQA)
Den sentrale samarbeidsorganisasjonen for europeiske kvalitetssikringsorgan.
European Consortium for Accreditation in Higher Education (ECA)
Frå starten eit prosjektsamarbeid mellom 13 kvalitetssikringsorgan frå åtte europeiske land. Etter ein første prosjektperiode frå 2003 til 2007 er samarbeidet forlenga til 2010, med litt endra medlemssamansetjing. Målet er å oppnå gjensidig godkjenning av medlemsorgana sine akkrediteringsvedtak.
Nordic Network for Quality Assurance in Higher Educatio (NOQA)
Eit nettverksamarbeid med eit fast årleg møte og eit årleg fellesprosjekt. Nettverket arrangerer seminar og har ei ordning for at tilsette i organa kan hospitere hos einannan.
International Network for Quality Assurance Agencies in Higher Education (INQAAHE)
Ein verdsomspennande medlemsorganisasjon med ca. 200 medlemsorganisasjonar, der dei fleste er kvalitetssikringsorgan. Arrangerer årleg ein stor konferanse.
European Quality Assurance Forum (EQAF)
Ein årleg konferanse i regi av ”E4-gruppa” (ENQA, dei to store institusjonssamanslutningane i Europa og den europeiske studentunionen).
European Higher Education Society (EAIR)
Ein medlemsorganisasjon med føremål å fremje forsking og kunnskap om høgre utdanning og høgre utdanningsinstitusjonar. Arrangerer årleg ein stor konferanse.

Godkjenning av utanlandsk høgre utdanning – sentrale nettverk og organisasjonar

Også innanfor godkjenning av utanlandsk høgre utdanning har NOKUT eit velutvikla internasjonalt samarbeid med vekt på nordiske og europeiske nettverk og organisasjonar, der representantar for NOKUT deltek med foredrag og presentasjonar og elles tar del i aktuelle diskusjonar og prosjekt:

European Network of Information Centres - National Academic Recognition Information Centres (ENIC-NARIC)
Dei europeiske nettverka er sentrale samarbeidsfora for europeiske (nasjonale) organ som godkjenner utanlandsk høgre utdanning inn i eigne land og informerer om Lisboa-konvensjonen. Nettverka har årlege møte og elles samarbeid om konkrete saker.
Nordic National Recognition Information Centres (NORRIC)
Desse sentra blei organisert i 2003 som eit resultat av auka samarbeid mellom dei nordiske godkjenningsorgana. Føremålet er å realisere Reykjavik-erklæringa om gjensidig godkjenning av høgre utdanning i dei nordiske landa og etablere ei føremålstenleg arbeidsdeling i godkjenningsarbeidet.