Tilsyn med universitet og høgskolar

Tilsynet skjer med utgangspunkt i at ansvaret for utdanningskvaliteten ligg hos institusjonen som tilbyr utdanninga. Dette er heimla i lov om universitet og høgskolar og tilhøyrande forskrift gitt av Kunnskapsdepartementet. Forskrifta inneheld m.a. nasjonale standardar. NOKUT set utfyllande standardar og kriterium i eiga forskrift. Til saman utgjer dette den nasjonale standarden som tilsynet til NOKUT byggjer på.

Tilsynet skjer med få unnatak ved bruk av sakkunnige komitear. Det primære formålet er å kontrollere at utdanninga har tilfredsstillande kvalitet. Tilsynet har likevel ein dobbeltfunksjon i det NOKUT også gir rettleiande råd om korleis institusjonen kan vidareutvikle utdanningskvaliteten og kvalitetsarbeidet.

Tilsynsmodellen

Tilsynsmodellen for høgre utdanning tar utgangspunkt i at institusjonane er plasserte i institusjonskategoriar med fullmakter til å opprette utdanningstilbod på forskjellige gradsnivå. Tilsynsmodellen har følgjande komponentar:

• Tilsyn med at utdanningstilboda tilfredsstiller nasjonale standardar
• Tilsyn med dei interne systema for kvalitetssikring av utdanninga ved institusjonane

NOKUTs verkemidlar i tilsynsarbeidet:

• Akkreditering av studietilbod
  
  
• Akkreditering av institusjon
  
  
• Tilsyn med eksisterande føretak
  
  
• Evaluering av system for kvalitetssikring